圖源：點新聞

有留意國際新聞嘅人，經常聽到一句話，叫「弱國無外交」，呢句說話最近有冇例子？有，就係烏克蘭！喺俄烏衝突，烏克蘭完全陷於劣勢，其總統凙連斯基去美國談判，點知當眾被美國正、副總統侮辱，忍唔住還擊；結果點？結果被趕出白宮，事後仲要公開向美國賠罪，最近美烏談判，好明顯已經準備畀美國分資源。基於「弱國無外交」，中國近年嘅底氣，就足證我國嘅進步同強大。

全國兩會已經勝利閉幕，唔同人關注唔同重點，有人留意經濟增長同刺激政策，有人留意到關於香港嘅未來方向，筆者比較特別，好留意中共中央政治局委員、外交部長王毅就中國外交政策和對外關係相關問題回答中外記者提問。

由於王毅見中外記者金句較多，不能盡錄，筆者先喺度節錄兩、三段畀讀者睇：

關於美國加徵關稅：

「行有不得，反求諸己」。美國應該覆盤一下從這些年的關稅戰、貿易戰中得到了什麼？貿易逆差是擴大了，還是縮小了？製造業的競爭力是上升了，還是下降了？通脹是好轉了，還是惡化了？民眾的生活是變好了，還是變糟了？中美經貿關係是相互的、對等的。如果選擇合作，將實現互利共贏；如果一味施壓，中國必將堅決反制。

關於創新科技：

無論是航天科技，還是芯片製造，外部施加的無理打壓從未停歇過。但哪裏有封鎖，哪裏就有突圍；哪裏有打壓，哪裏就有創新。暴風雨最猛烈的地方，恰恰是「哪吒鬧海」、「一飛沖天」的舞台。中國有句古詩說得好，「青山遮不住，畢竟東流去」。小院高牆擋不住創新思維，脫鈎斷鏈最終將孤立自己。

關於台灣問題：

台灣是中國領土不可分割的一部分，這既是歷史，也是事實。今年是台灣光復80周年。中國人民抗日戰爭的勝利，使台灣重回中國版圖。主要戰勝國當年發表的《開羅宣言》、《波茨坦公告》都明確規定，要把日本竊取的台灣歸還中國，日本也宣布承認《波茨坦公告》無條件投降。這些都確認了中國對台灣的主權，構成戰後國際秩序的重要組成部分。

用以上問答，睇中國嘅立場同底氣，首先係中美關係，其實中國已經唔止係唔怕關稅戰，而係如果美國再藉關稅戰等針對中國，中國唔會卻步，更加會堅決反制美國，而且特朗普再上台會打關稅戰已經係預期之內，中國早有準備，「你一來，我就往」。另外對於創新科技問題，如果芯片係美國鎖喉中國嘅關鍵位，其實中國嘅芯片發展已經大有進步，無最先進製程嘅芯片，但唔代表中國無芯片可用，證明美國又封鎖失敗。

至於台灣問題，筆者唔係專家，一句到尾，台灣就係中國一部分，一個省或一個地區，聯合國以至國際社會承認只有一個中國，係中華人民共和國。王毅一番話，除咗表達咗中國統一嘅決心，筆者認為另一層意義，仲在於台灣地區背後和美國勾連，但中國連美國都唔怕，仲有咩可以阻止兩岸統一嘅決心呢？

如果中國係弱勢，全球各國就唔會關注兩會，中國經濟發展唔會受到注目，甚至美國會繼續予取予求攜。之前，美國嘅霸凌作風，一直主導全球，特朗普再上台，甚至展露出一種強盜作風，但正正因為呢種作風，加上中國喺經濟、科技發展嘅突破，依家美國嘅盟友似乎都喺度諗，搵朋友或盟友，中國比美國更可信、可靠！

來源：點新聞